Евро-2020 саралаш босқичи доирасида кеча оқшом 3та гуруҳда 7-тур ўйинлари бўлиб ўтди. "H" гуруҳида Европа чемпионатини қўлга киритиш эҳтимоли юқори бўлган 2та жамоа аниқ бўлиб қолди.

Туркия терма жамоаси ўз майдонида Албанияга қарши бўлиб ўтган ўйиннинг сўнгги дақиқасида гол уриб, 3 очкони қўлга киритди.

Исландия эса ўз уйида Францияга кичик ҳисобда ютқазди. Учрашувдаги ягона тўпни Оливье Жиру пенальтидан киритди.

Шу тариқа, Туркия ва Франция ҳисобидаги очколар сони 18тага етди. Исландия эса 12 очкога эга. Туркларни кейинги 2та турда қийин ўйинлар кутиб турибди: сафардан Франция (14 октябрь) ва уйда Исландияга қарши. Мазкур ўйинлар бу гуруҳдан Евро-2020га йўл оладиган жамоаларни аниқлаб беради.

Андорра терма жамоаси эса кетма-кет 56та ўйиндан иборат мағлубиятли сериядан кейин илк марта ғалаба қозонди.

Евро-2020 саралаш босқичи
"Н" ГУРУҲИ
Исландия – Франция 0:1 (0:0, 0:1)
Гол: 0:1 – 66, пенальти Жиру.
Исландия – Халльдоурссон, Арнасон, Скуласон, Сигурдссон, Паульссон, Траустасон (Сигурдссон, 81), Бьярнасон, Сигурйонссон (Финнбогасон, 73), Гудмундссон (Бедварссон, 16), Сигурдссон, Сигторссон.
Франция – Манданда, Павар, Динь, Варан, Лангле, Матюиди, Толиссо, Сиссоко, Коман (Иконе, 88), Гризманн, Жиру (Бен-Йеддер, 78).

Андорра – Молдова 1:0 (0:0, 1:0)
Гол: 1:0 – 63 Валес.
Андорра – Гомес Морейра, Макс Льовера, Лима, Сан-Николас, Мартинес (Алаэс, 61), Рубио, Валес, Вьейра, Сервос, Пухоль (Родригес Сория, 83), Клементе (Ребес, 73).
Молдова – Кошелев, Граур, Препелицэ, Посмак, Рябчук, Ионицэ, Михалев (Дедов, 72), Гинсарь, Чеботару, Суворов, Бойчук.
Четлатиш: Гинсарь (55).

Туркия – Албания 1:0 (0:0, 1:0)
Гол: 1:0 – 90 Тосун.
Туркия – Гюнок, Айхан (Сеюнджю, 46), Мераш, Челик, Демирал, Туфан (Язиджи, 80), Белезоглу (Кахведжи, 66), Текдемир, Чалханоглу, Йилмаз, Тосун.
Албания – Стракоша, Гимшити, Дермаку, Исмайли, Леняни (Роши, 57), Баре, Гьясула, Мемушай (Абраши, 72), Весели, Манай, Цикалеши (Балай, 83).