Евро-2020 саралаш босқичи доирасида 7-тур ўйинлари якунланди.
«J» гуруҳида иштирок этаётган Италия терма жамоаси муддатидан аввал Европа чемпионати йўлланмасини қўлга киритди. "Мовий гвардия" ўз уйида бўлиб ўтган Грецияга қарши ўйинда яшил формада ҳаракат қилиб, 2:0 ҳисобида ғалаба қозонди. Мезбонлар ҳар иккала голни иккинчи бўлимда уришди. Шу тариқа, "скуадро адзурра" 7та ўйиннинг барчасида ғалаба қозонди. Италияликлар 2-ўриндаги Финляндиядан 9 очкога илгарилиб кетишди. Саралаш босқичи якунланишига 3та тур қолган бўлса-да, финлар ўзаро ўйинлар натижасига кўра Италиядан ўтиб кета олишмайди.
Босния ва Герцеговина терма жамоаси ўз уйида Финляндияни мағлуб этиб, ўз очколарини 10тага етказиб олди. Арманистон эса аутсайдер Лихтенштейн майдонига сафар қилиб, ғалабани қўлдан чиқарди ҳамда муҳим бўлган 2 очкодан маҳрум бўлишди. Акс ҳолда арманлар ўз очколарини 12тага етказиб, иккинчи йўлланма учун асосий даъвогарлардан бирига айланиши мумкин эди.
Шу тариқа, бу гуруҳда иккинчи йўлланма учун Финляндия, Босния ва Герцеговина, Арманистон термалари кураш олиб боришади.
Евро-2020 саралаш
«J» гуруҳи, 7-тур
Босния ва Герцеговина – Финляндия 4:1 (2:0, 2:1)
Голлар: 1:0 – 29 Хайрович, 2:0 – 37, пенальти Пьянич, 3:0 – 58 Пьянич, 4:0 – 73 Ходжич, 4:1 – 79 Похьянпало.
Босния ва Герцеговина – Шехич, Ковачевич, Бичакчич, Колашинац, Квржич, Цимирот, Пьянич (Крунич, 76), Гояк, Сарич (Яяло, 71), Вишча (Хайрович, 18), Ходжич.
Финляндия – Градецки, Уронен, Райтала, Тойвио, Араюури (Вяйсянен, 30), Спарв (Кауко, 71), Камара, Лод, Сойри (Похьянпало, 46), Пукки, Туоминен.
Италия – Греция 2:0 (0:0, 2:0)
Голлар: 1:0 – 63, пенальти Жоржиньо, 2:0 – 78 Бернардески.
Италия – Доннарумма, Бонуччи, Спинаццола, Ачерби, Д`Амброзио, Барелла (Дзаньоло, 87), Верратти, Кьеза (Бернардески, 39), Жоржиньо, Инсинье, Иммобиле (Белотти, 79).
Греция – Пасхалакис, Бакакис, Хацидьякос, Сиовас, Стафилидис, Бухалакис (Яннулис, 75), Зека, Бакасетас (Манталос, 79), Курбелис, Лимниос, Кулурис (Донис, 67).
Лихтенштейн – Арманистон 1:1 (0:1, 1:0)
Голлар: 0:1 – 19 Барсегян, 1:1 – 72 Фрик.
Лихтенштейн – Бюхель, Кауфманн, Геппель, Малин, Рехштайнер, Майер (Йылдыз, 70), Польверино (Зеле, 83), Губсер (Фрик, 67), Бюхель, Саланович, Хаслер.
Арманистон – Айрапетян, Амбарцумян, Ованесян, Ишханян, Ароян, Казарян (Озбилиз, 88), Овсепян (Миранян, 83), Барсегян, Пиццелли (Малакян, 60), Адамян, Карапетян.
| № | Жамоа | Ў | Ғ | Д | М | Т - Н | Очко |
|---|---|---|---|---|---|---|---|
| 1 | Италия | 7 | 7 | 0 | 0 | 20-3 | 21 |
| 2 | Финляндия | 7 | 4 | 0 | 3 | 9-8 | 12 |
| 3 | Босния-Герцеговина | 7 | 3 | 1 | 3 | 16-12 | 10 |
| 4 | Арманистон | 7 | 3 | 1 | 3 | 13-12 | 10 |
| 5 | Греция | 7 | 1 | 2 | 4 | 7-12 | 5 |
| 6 | Лихтенштейн | 7 | 0 | 2 | 5 | 2-20 | 2 |
