Yevro-2020 saralash bosqichi doirasida 7-tur o‘yinlari yakunlandi.

«J» guruhida ishtirok etayotgan Italiya terma jamoasi muddatidan avval Yevropa chempionati yo‘llanmasini qo‘lga kiritdi. "Moviy gvardiya" o‘z uyida bo‘lib o‘tgan Gresiyaga qarshi o‘yinda yashil formada harakat qilib, 2:0 hisobida g‘alaba qozondi. Mezbonlar har ikkala golni ikkinchi bo‘limda urishdi. Shu tariqa, "skuadro adzurra" 7ta o‘yinning barchasida g‘alaba qozondi. Italiyaliklar 2-o‘rindagi Finlyandiyadan 9 ochkoga ilgarilib ketishdi. Saralash bosqichi yakunlanishiga 3ta tur qolgan bo‘lsa-da, finlar o‘zaro o‘yinlar natijasiga ko‘ra Italiyadan o‘tib keta olishmaydi.

Bosniya va Gersegovina terma jamoasi o‘z uyida Finlyandiyani mag‘lub etib, o‘z ochkolarini 10taga yetkazib oldi. Armaniston esa autsayder Lixtenshteyn maydoniga safar qilib, g‘alabani qo‘ldan chiqardi hamda muhim bo‘lgan 2 ochkodan mahrum bo‘lishdi. Aks holda armanlar o‘z ochkolarini 12taga yetkazib, ikkinchi yo‘llanma uchun asosiy da’vogarlardan biriga aylanishi mumkin edi.

Shu tariqa, bu guruhda ikkinchi yo‘llanma uchun Finlyandiya, Bosniya va Gersegovina, Armaniston termalari kurash olib borishadi.

Yevro-2020 saralash
«J» guruhi, 7-tur
Bosniya va Gersegovina – Finlyandiya 4:1 (2:0, 2:1)
Gollar: 1:0 – 29 Xayrovich, 2:0 – 37, penalti Pyanich, 3:0 – 58 Pyanich, 4:0 – 73 Xodjich, 4:1 – 79 Poxyanpalo.
Bosniya va Gersegovina – Shexich, Kovachevich, Bichakchich, Kolashinas, Kvrjich, Simirot, Pyanich (Krunich, 76), Goyak, Sarich (Yayalo, 71), Vishcha (Xayrovich, 18), Xodjich.
Finlyandiya – Gradeski, Uronen, Raytala, Toyvio, Arayuuri (Vyaysyanen, 30), Sparv (Kauko, 71), Kamara, Lod, Soyri (Poxyanpalo, 46), Pukki, Tuominen.

Italiya – Gresiya 2:0 (0:0, 2:0)
Gollar: 1:0 – 63, penalti Jorjinyo, 2:0 – 78 Bernardeski.
Italiya – Donnarumma, Bonuchchi, Spinassola, Acherbi, D`Ambrozio, Barella (Dzanyolo, 87), Verratti, Kyeza (Bernardeski, 39), Jorjinyo, InsinYE, Immobile (Belotti, 79).
Gresiya – Pasxalakis, Bakakis, Xasidyakos, Siovas, Stafilidis, Buxalakis (Yannulis, 75), Zeka, Bakasetas (Mantalos, 79), Kurbelis, Limnios, Kuluris (Donis, 67).

Lixtenshteyn – Armaniston 1:1 (0:1, 1:0)
Gollar: 0:1 – 19 Barsegyan, 1:1 – 72 Frik.
Lixtenshteyn – Byuxel, Kaufmann, Geppel, Malin, Rexshtayner, Mayer (Yildiz, 70), Polverino (Zele, 83), Gubser (Frik, 67), Byuxel, Salanovich, Xasler.
Armaniston – Ayrapetyan, Ambarsumyan, Ovanesyan, Ishxanyan, Aroyan, Kazaryan (Ozbiliz, 88), Ovsepyan (Miranyan, 83), Barsegyan, Pisselli (Malakyan, 60), Adamyan, Karapetyan.