Мадриднинг "Реал" клуби яримҳимоячиси Хамес Родригес тез орада асосий жамоа машғулотларига қўшилади, деб ёзади Marca.
Колумбиялик футболчи жароҳати сабаб миллий жамоалар ўйини туфайли юзага келган танаффус пайтида якка тартибда шуғулланмоқда.
Маълумотларга кўра, футболчи келаси ҳафта умумий гуруҳ машғулотларига қўшилиши кутилмоқда.
Эслатиб ўтамиз, Хамес бу мавсумда Ла Лигада 6та ўйинда қатнашиб, 1та гол урди ва 1та голга ассистентлик қилди.