“Манчестер Юнайтед” ва Франция терма жамоаси собиқ ҳимоячиси Патрис Эвра яқин орада мураббийлик фаолиятини бошлаши мумкин. Бу ҳақида Gazzetta dello Sport нашри хабар бермоқда.

38 ёшли футболчи Инстаграмдаги саҳифасида Массимилиано Аллегри ва Франко Бальдини билан биргаликда футбол кўраётган расмини жойлади ва қуйидагича изоҳ қолдирди.

“Сизлар билан ўйинни кўриш завқли! Сизларнинг маслҳатларнингизни ёқтираман, биз футболни бир хил кўрамиз. Ишонаман, бизни ёрқин келажак кутяпти”, -деб ёзди Эвра.

Эслатиб ўтамиз, футболчилик фаолиятида Эвра “Марсал”, "Монца", "Ницца", "Монако”, “Манчестер Юнайтед”, “Ювентус”, “Марсель” ва “Вест Хэм” жамоаларида ўйнаган.