Франция терма жамоаси ва Лондоннинг “Челси” клуби ҳужумчиси Оливье Жиру MLSнинг икки клубидан таклиф олди дея хабар бермоқда журналист Николо Скира ўзининг «твиттер»даги саҳифасида.
Ҳужумчининг хизматларига «Нью-Йорк Сити» ва «Ванкувер Уайткэпс» клублари қизиқиш билдиришган. Аввалроқ, франциялик ҳужумчининг хизматларига Италиянинг «Интер» клуби ҳам қизиқаётганлиги ҳақида хабар тарқатилганди.
ОАВ маълумотларига қараганда, “Интер” клуби Жируни Ромелу Лукаку ўрнига олиб келмоқчи.
Жиру «Челси» клубига 2018 йилнинг январь ойида «Арсенал» клубидан кўчиб ўтган эди.Ушбу трансфер суммаси 17 миллион еврони ташкил қилган.
