Каталониянинг “Барселона” клуби дарвозабони, айни пайтда фаолиятини «Вальядолид» клубида давом эттираётган Хорди Масип Лионел Мессининг характери ҳақида фикр билдирди.
«Месси ҳақида айтилган жуда кўплаб мақтовлардан ортиқ ҳеч нарса айта олмайман. У спорт ваҳшийси!Мен кўрган футболчиларнинг орасидаги энг кучлиси. Бундан ташқари, у билан бир жамоада тўп суриб, футболдан роҳат олганман. Тўғри, машғулотлар жараёнида ундан жабр кўрардим, лекин бу менга роҳат бахш этарди. Мен ҳали у каби футболчини кўрмадим.
Месси клуб академиясидаги ёш футболчиларга доим яхши муносабатда бўлади. У қувноқ йигит, жамоадошларини кулдиришга ҳаракат қилади.У Пике сингари кун мобайнида тинимсиз гапириб юрмайди. Кийиниш хонасида менга бўлган муносабатлари ёқимли эди", —Масипнинг сўзларидан иқтибос келтирмоқда Mundo Deportivo.