Бекободнинг “Металлург” жамоаси бугунгача кучлилар сафида 637 та учрашув ўтказган бўлиб, шулардан 212 тасида ғалаба нашидасини сурган.
131 та ўйинда рақиблар билан очкони баҳам кўрган ҳамшаҳарларимиз, 294 та ўйинда имкониятни бой беришган. Ҳозиргача “Металлург” рақиблари дарвозасига 790 та гол уриб, ўз дарвозаларидан 991 та тўп олиб чиқишган. Бу йил Бекободнинг “Металлург” жамоаси рақиблар дарвозасига юбилей – 800-голни кирита оладими? Агар яна бешта ўйин қолганлигини инобатга олсак бу вазифани бажариш кейинги мавсумга қолиши эҳтимоли ҳам йўқ эмас. Боиси кейинги пайтларда жамоалар прагматик футбол намойиш этишяпти.
Яъни рақиб дарвозаси ишғол этилгач, аксарият ҳолларда қайд этилган натижани сақлашга уринилади. Аммо “Металлург” сўнгги турни анчайин сермаҳсул ўтказди. Сафарда “Қўқон 1912” жамоаси дарвозаси уч бора ишғол этилди. Андрей Шипилов шогирдлари ушбу кайфиятни кейинги учрашувларда ҳам сақлаб қолишса, юбилей голни шу мавсумда ҳам кўрсак ажабмас. Сиз қандай бўлишини хохлардингиз, азиз мухлис?
“Металлург”нинг 2019 йилги мавсумда қолган учрашувлари:
22-тур, 18 октябрь: “Металлург” – “Сўғдиёна”
23-тур, 29 октябрь: “Қизилқум” – “Металлург”
24-тур, 4 ноябрь: “Металлург” – “Динамо”
25-тур, 24 ноябрь: “Бухоро” – “Металлург”
26-тур, 27 ноябрь: “Металлург” – “Сурхон”
