"Реал" Испания чемпионатининг 9-турида ғалаба қозониб, яна биринчи ўринга қайтиш вазифасини уддалай олмади. Зидан жамоаси жадвалнинг қуйи поғоналаридан бирида бораётган "Мальорка" майдонига сафар уюштириб, кичик ҳисобда имкониятни бой берди.

Майдон эгаларининг 7-дақиқада уюштирган ҳужуми муваффақиятли якунланди. Лаго Жуниор жарима майдончасига кирди, Одриосолани чалғитди ва олис бурчак томон аниқ зарба берди. Куртуа зарбани қайтара олмади, 1:0. Орадан 7 дақиқа ўтиб "Мальорка" мадридликлар дарвоза томон яна бир марта йўл топган эди. Аммо офсайд туфайли гол инобатга олинмади.

"Қироллик клуби" бутун учрашув давомида ҳақиқий голга тортадиган битта вазият яратди. Баҳснинг 27-дақиқасида Хамеснинг узатмасидан кейин Бензема дарвозабон майдончаси чизиғи устида тўпни дарвоза томон бурди. Тўп эса тўсинга тегиб қайтди.

Ўйиннинг 74-дақиқасида Альваро Одриосола иккинчи сариқ карточкани олиб, майдонни тарк этди.

Бу "Реал"нинг мавсумдаги Ла лига доирасидаги илк мағлубияти бўлди. Шунга қарамай, Зидан шогирдлари жадвалда 2-поғонага тушишди.

Испания Ла лигаси, 9-тур
Мальорка – Реал Мадрид 1:0 (1:0, 0:0)
Гол: 1:0 – 7 Лаго Жуниор.
Мальорка – Рейна, Састре (Лумор, 46), Вальент, Раильо, Гамес, Фебас (Кубо, 59), Баба, Севилья, Дани Родригес, Будимир, Лаго Джуниор (Трайковски, 81).
Реал Мадрид – Куртуа, Одриосола, Милитао, Рамос, Марсело, Хамес, Иско (Родриго, 66), Каземиро, Винисиус Жуниор (Браим Диас, 81), Йович (Вальверде, 66), Бензема.
Огоҳлантиришлар: Одриосола (19), Састре (30), Баба (90).
Четлатиш: Одриосола (74).