"Атлетико" ҳужумчиси Жоау Фелиш "Валенсия"га қарши бўлиб ўтган Ла лига баҳсида (1:1) жароҳат олди.
Клуб расмий сайти тарқатган хабарга кўра, 19 ёшли футболчининг тўпиғидаги бўғимларда чўзилиш юз берган. Португалиялик футболчи тахминан 4-6 ҳафтага сафдан чиқди.
Фелиш ушбу мавсумда 11та ўйинда майдонга тушиб, 3та гол урди ва битта голга узатма берди.
Эслатиб ўтамиз, "Атлетико" ёзги трансфер пайтида Жоау Фелишни 126 миллион еврога харид қилган эди.