"Аякс" дарвозабони Андре Онана нега ёзги трансфер ойнасида клубни тарк этмаганини айтди.
"Барса" бу ёзда мени қайтармоқчи эди. Бу менинг уйим, мен ушбу клубнинг бир қисми эдим. "Барселона" ҳар доим тарбияланувчиларини қайтишини истайди.
Аммо бу қайтадиган вақт эмас эди. Эҳтимол, менда бошқа имконият бўлмас! Аммо ёзда бунинг вақти эмас эди.
Менга ПСЖдан ҳам таклиф келиб тушди. Буни агентим билан муҳокама қилдик, менга Париж ва жамоанинг кейинги режалари ҳақида гапириб берди. Бироқ, содир бўлган нарса бизнинг ўртамизда қолади. Биз бу ҳақда бир неча бор гаплашдик ва агентим менга ПСЖ қизиқаётганини айтди », - деди Онана.
Онана 2010 йилдан 2015 йилгача "Барселона" ёшлар жамоасида тўп сурган.