Ҳужумчи Златан Ибрагимович унга келиб тушаётган таклифлар ҳақида фикр билдирди.
Аввалроқ ҳужумчи Карло Анчелотти қўл остида ўйнаш истагини билдирган эди ва мураббий бунга хазил тариқасида Ибрагимовични чақириб, бу масалани муҳокама қилишини айтиб ўтган эди.
- Ҳамма менга қўнғироқ қилмоқда! Сенга ҳам менинг рақамим керакми? Менга қўнғироқ қилишинг учун? Яхши, биз буни ташкиллаштирамиз, - деди Златан Eurosport журналистига.
Шундан сўнг, мухбир футболчидан МЛСда яна бир мавсум қолишини сўради.
"Раҳмат, мен буни қадрлайман", деб жавоб берди ҳужумчи.
Маълумот учун 38 ёшли Ибрагимовичнинг "Лос-Анжелес Гэлакси" билан шартномаси декабрда ниҳоясига етади.
