Россиянинг «Зенит» клуби собиқ ҳужумчиси Андрей Аршавин «Лейпциг» клубига  (1:2) қарши ЕЧЛ доирасида ўтказилган учрашув ҳақидаги фикрлари билан ўртоқлашди.

— «Лейпциг» ҳам кучли жамоа. Уларнинг таркиби Россиянинг энг бой клубидан ҳам қиммат туради. Қолаверса улар ўз майдонида ўйнади. Улар ўйинда борини беришди ва якунда ғалаба қозонишди.

Таркиб? «Ростов» клубини 6:1 ҳисобида мағлубиятга учратгандан кейин таркибни ўзгартириш мушкул эди. Семак шогирдлари кучли ўйин намойиш этишга ҳаракат қилишди, аммо бу натижа бермади.«Зенит» учун бу учрашув одатий сафар ўйини эди, — деди Аршавин «Матч ТВ» жонли эфирида.