Каталониянинг «Барселона» клуби бош мураббийи Эрнесто Вальверде ҳужумчи ЛионельМесси ҳақида фикр билдирди.
— У исталган ўйин тақдирини ҳал қилиши мумкин, — деди Вальверде. — Кундан кунга кучайиб бормоқда. “Славия” дарвозасига киритган голи Леонинг яна бир ажойиб рекорди бўлди. Буни гапириш осон, бироқ бунга эришиш қийин вазифа—қўшимча қилди бош мураббий.
Месси мавсум бошидаги учрашувларни жароҳати сабаб ўтказиб юборишга мажбур бўлди. Бироқ, ҳозирги кунга келиб Ла Лига доирасида иккита гол уриш билан бир қаторда, иккита голга ҳаммуаллифлик ҳам қилди.
Вальверде бошчилигидаги “Барселона” Испания чемпионатининг навбатдаги турини 29 октябрь куни «Вальядолид» клубига қарши ўтказади.
