Англиянинг «Арсенал» ва «Манчестер Юнайтед» клуби собиқ ҳужумчиси Робин ван Перси «Ливерпуль» клуби ярим ҳимоячиси Алекс Окслейд-Чемберленнинг “Генк” дарвозасига киритган голи ҳақида фикр билдирди.

— Иккинчи голи ажойиб, — деди ван Перси. — Аксарият ҳужумчилар буни тасаввур ҳам қила олмайди. 10 тадан 8 та ҳужумчи бу ҳақда ўйламайди ҳатто. У бу зарбани қойилмақом тарзда амалга оширди.

Алекс учун хурсандман, у билан «Арсенал» таркибида бирга ўйнаганман ва ўшанда унинг иқтидорига шубҳа билдирмаганман. Унинг топ-футболчи бўлиши учун қобилияти юқори. Агар у мана шундай голлар уришни давом эттирса, албатта топ футболчига айланади. Бундай голни ҳаётингда бир марта киритишинг мумкин, -деди Перси.