Англия премьер-лигасининг 10-турида «Манчестер Сити» ўз уйида «Астон Вилла»ни қабул қилиб, йирик ҳисобда ғалаба қозонди.

Биринчи бўлимда меҳмонлар яхши ҳимояланиб, дарвоза дахлсизлигини сақлаб қолишди. Иккинчи бўлимнинг илк дақиқасидаёқ Раҳим Стерлинг ҳисобни очишга муваффақ бўлди.

Иккинчи бўлим ўрталарида Давид Сильва ва Илкай Гюндоган рақиб дарвозасини яна бир мартадан ишғол қилишди.

Шу тариқа, Гвардиола жамоаси ўз очколарини 22тага етказиб, жадвалда 2-ўринга кўтарилиб олди.

Англия чемпионати, 10-тур
Манчестер Сити – Астон Вилла 3:0 (0:0, 3:0)
Голлар: 1:0 – 46 Стерлинг, 2:0 – 65 Сильва, 3:0 – 70 Гюндоган.
Манчестер Сити – Эдерсон, Стоунз, Менди (Анхелиньо, 73), Жоау Канселу, Фернандиньо, Гюндоган, де Брюйне (Фоден, 76), Бернарду Силва, Сильва, Стерлинг (Агуэро, 76), Габриэл Жезус.
Астон Вилла – Хитон, Энгельс, Гильбер, Таргетт, Мингз, Дуглас Луис, Макгинн, Накамба, Грилиш (Эль-Гази, 84), Трезеге, Уэсли (Дэвис, 71).
Огоҳлантиришлар: Грилиш (36), Фернандиньо (57), Гюндоган (81).
Четлатиш: Фернандиньо (87).