Каталониянинг «Барселона» ва Аргентина терма жамоаси ҳужумчиси Мадриднинг «Реал» клуби собиқ ҳужумчиси Роналдони футбол тарихидаги энг кучли футболчиларнинг бири эканлигини айтиб ўтди.
— Роналдо (тўлиқ исми: Роналду Луис Назариу ди Лима — муаллиф) феномен эди. Мен кўрган ҳужумчиларнинг энг зўрларидан бири. Унинг ўйинлари жозибадор эди, — Мессининг сўзларидан иқтибос келтирмоқда TyC Sports
Шунингдек, Месси “Барселона” жамоасида бирга тўп сурган Рональдино ҳақида ҳам гапириб ўтди: — Ўз вақтида Роналдиньо менга катта ёрдам берган. 16-17 ёшимда “Барселона” кийиниш хонасига кирганимда албатта уни кузатардим. Рони жамоада менга катта ёрдам берган, ўзимни қулай ҳис қилишимда унинг ўрни катта. Майдонда мен узи топишга ҳаракат қилардим, афсуски биз бирга кўп ўйнамаганмиз. Роналдиньо билан бир таркибда кўпроқ ўйнашни хоҳлардим.
