Каталониянинг «Барселона» ва «Манчестер Сити» клуби собиқ Яя Туре ФИФАни ирқчиликка қарши кураш олиб бормаётганлиги сабабли кескин танқид остига олди.
Шунингдек, Евро-2020 саралаш босқичида Болгариялик мухлислар ирқчилик руҳидаги ҳаракатлари учун Англия терма жамоаси футболчилари майдондан чиқиб кетишлари кераклигини таъкидлаб ўтди.
«Бу шармандалик! ФИФАдаги инсонлар ирқчиликка эътибор беришмайди. Бу ҳақда биз бир неча маротаба айтган бўлишимизга қарамасдан, улар ирқчиликка қарши ҳеч қандай ишни амалга оширишмаяпти.
Бу мени безовта қилмайди деб ўйламайман, албатта безовта қилади. Бундай ишларга жиддий ёндошиш керак. Агар ўйин пайтида бундай ҳаракатлар содир этиладиган бўлса, у ҳолда футболчиларни майдондан олиб чиқиб кетиш керак», —Туренинг сўзларидан иқтибос келтирмоқда AFP.
