«Реал» бош мураббийи Зайниддин Зидан Испания чемпионатининг 12-тури доирасида бўладиган «Бетис»га қарши ўйин олдидан ўз фикрларини билдириб ўтди.

«Бетис» майдонига сафар ҳақида
«Барча жамоалар «Сантьяго Бернабеу»га яхши ўйин кўрсатиш ва муваффақиятга эришиш мақсадида ташриф буюради. Бу нормал ҳолат: биз бунга тайёр бўлишимиз ва бизни қийин ўйин кутиб турибди. Лекин биз бор кучимиз билан ҳаракат қилишимиз керак. Ҳар бир ўйин — янги тарих, 3 очкони қўлга киритиш учун учрашувга тайёр бўлишимиз керак».

Гарет Бэйл ҳақида
«Бу жонга теккан мавзу: Гарет шу ерда, у майдонда, барчаси босқичма-босқич содир бўлмоқда — у сафимизга тезроқ қайтиши учун биз уни қўллаб-қувватлаймиз.

Гарет шу ерда, уни қолишга кўндириш учун ҳеч нарса қилишимиз керак эмас. У сафардан қайтди ва машғулотда иштирок этмоқда. У жароҳатидан тикланди, аммо ҳозирча майдонга тушмайди. Қолган барча саволларни унга бериш керак».

«Эл-класико»нинг кўчирилгани ҳақида
«Нима юз берганини билмайман: қачон айтишса, ўшанда ўйнаймиз. Шу боис, «Леганес»га қарши ўйинга тайёргарлик кўриш учун кўпроқ вақтга эга бўлдик. Энди бизни янги ўйин кутиб турибди. «Барселона» билан эса 18 декабрда учрашамиз. Бу муаммо эмас, бу ўйин».

Эден Азар ҳақида
«У яхши ўйнай бошлади. Эденга мунтазам голлар етишмаяпти, лекин унинг майдондаги ҳаракатларидан қониқяпмиз: Эден кундан-кунга формасини тиклаб бормоқда. У мунтазам голлар ура бошласа, биз янада хурсанд бўламиз».