Италиянинг «Интер» клуби бош мураббийи Антонио Конте «Болонья» (2:1) клуби устидан қозонилган ғалабадан кейинги фикрлари билан ўртоқлашди.
— Ўтказиб юборган голимиз де Фраядан рекошат ҳолатида киритилди ва бу гол бизни аҳволимизни қийинлаштириб қўйиши мумкин эди. Киритилган автоголдан кейин йигитлар руҳан синиб қолмади ва ўйинни ўзимиз томон оғдириб олишга муваффақ бўлишди. Бу ажойиб белги. Лукаку — ноодатий ҳужумчи, чунки унинг жисмоний ҳолати марказий ҳужумчи сифатида ўйнашга имкон беради, унга майдоннинг бўш жойини беринг — ақлбовар қилмас тезлик кўрсатади. “Интер” клубида ишлаш қийин синов эканлигини билардим, бироқ мен қийинчиликларни излаб юришни яхши кўраман ва фаолиятим бу ҳақида ўзи гапиради. Одатда мен топ-клубларга инқироз пайтда келаман ва уларни аввалги мавқеига қайтаришга ҳаракат қиламан, — Контенинг сўзларидан иқтибос келтирмоқда Sky Sport Italia.













