«Зенит» ва Россия терма жамоаси ҳужумчиси Артём Дзюба россиялик футбол агенти Олег Артемовдан Жаҳон чемпионатидан сўнг воз кечиб Жорж Мендеш билан ҳамқорлик бошлаганлиги ҳақидаги фикрлари билан ўртоқлашди.

— Сиз ҳақиқатдан ҳам ЖЧдан кейин Артемов билан ҳамкорликни тўҳтатганмисиз?

— Тўғрисини айтсам, бундай гапларни тарқатиш учун инсон инсофли бўлиши керак. Биринчидан, мен бу инсон билан ёки бу инсоннинг компанияси билан ҳеч қачон расман ҳамкорлик қилмаганман. Иккинчидан, Жаҳон чемпионатидан кейин норасмий ҳамкорлигимизни тўҳтатганмиз. Бу қарорга келишимга сабаб, 2017/18 йилги мавсумнинг қишида “Зенит” клубдаги фаолиятимда муаммо бошлангани сабаб бўлган. Ўшанда футболдаги жуда кўплаб инсонлар, шу жумаладан ўша агентлар ҳам мен юз ўгиришганди. Қолаверса, ўша агентлар менинг ўрнимга бошқа футболчиларни «Зенит» клубига тавсия қилишган. Афсуски, бизнинг Россия агентлари билан бундай воқеалар тез тез учраб туради. Қачонки сизда барчаси жойида бўлса, улар сизга ёрдам беришни хоҳлаб қолади. Агар муаммо содир бўлса — зудлик билан йўқолиб қолишади. Бу ҳақда исталган футболчидан сўраб кўришингиз мумкин. Менда шундай воқеалар бўлган. Шундан сўнг мен у билан алоқа қилишни бас қилганман, - Дзюбанинг сўзларидан иқтибос келтирмоқда «Матч ТВ».