Туриннинг “Ювентус” ва Португалия терма жамоаси ҳужумчиси Криштиану Роналдунинг сартароши - Рикардо Маркес Феррейранинг жасади швейцариядаги меҳмонхоналарнинг биридан топилди дея хабар бермоқда Mundo Deportivo.
Меҳмонхона ходими 2 ноябрь куни Феррейранинг хонасини тозалагани кирганда билиб қолган. Унинг сўзларига қараганда, сартарош ўз жойида ётган бўлган ва хонадан алкогол хиди келган. Унга пичоқ билан ҳамла қилингани ҳақида айтган.
Айни пайтда бу жиноятни ким содир этгани маълум эмас. Полиция ҳозир тергов ишларини бошлаган ва жиноятчини излашга тушган.
Рикардо Маркес сўнгги икки йил Швейцарияда яшаган. Роналдудан ташқари бир қатор модел ва актрисалар унинг мижози саналган.
