Мюнхеннинг “Бавария” клуби Президенти Ули Хёнесс Нико Ковачнинг истеъфоси ҳақидаги саволларга жавоб берди.
— Ўйлайманки, биз бу мавзу ҳақида гапириб бўлдик. Ҳозир бу жуда муҳим эмас, чунки қарор қабул қилишимиз учун олдимизда уч ҳафталик муддат бор. Ўйлайманки, биз тўғри қарор қабул қилдик. Бизда Нико Ковач билан муносабатларимиз доим яхши бўлган. Биз икки тарафлама келишувга эришдик ва бу келишувдан ҳеч ким хафа бўлмади. У билан телефон орқали суҳбатлашдик, ҳаммаси жойида. Унинг катта босимдан ҳалос бўлганини ҳис қиляпман. Олдимизда «Олимпиакос» ва «Боруссия Д» клубларига қарши баҳслар турибди. «Фортуна» қарши учрашувда нима қилиш кераклигини билиб оламиз, - Хёнесснинг сўзларидан иқтибос келтирмоқдаBild.