"Аякс" сардори Душан Тадич "Челси"га қарши ўйинда (4:4) ҳакам Жанлука Роккининг ишини танқид қилди.
Ҳисоб 2:4 бўлаётган бир пайтда италиялик ҳакам битта эпизодда "Аякс"нинг икки ҳимоячисига иккинчи сариқ карточкани кўрсатиб уларни майдондан четлатди ва Голландия клуби дарвозаси томон пенальти белгилади.
"Ҳаммаси яхши эди, кейин кимдир ўйинни бузди.
Қандай қилиб битта эпизодда иккита қизил карточка кўрсатиш мумкин? Ҳеч нарсани тушунмаяпман.
Мен жамоам билан фахрланаман, тўққиз киши бўлиб бардош бердик. Аммо биз жуда ғазабдамиз. Бунақаси менинг хотирамда ҳеч қачон бўлмаган », деди Тадич.
