"Манчестер Сити" бош мураббийи Пеп Гвардиола АПЛнинг 12-туридан ўрин олган "Ливерпуль"га қарши ўйинда жамоа дарвозабони Эдерсон майдонга тушмаслигини айтди.
"Эдерсон ўйнай олмайди. У қанча вақтга сафдан чиққанини билмайман. Якшанба куни у ўйнай олмайди.
Браво унинг ўрнини эгаллайди. У – Чили билан кўплаб ўйинларда ғалаба қозонган ажойиб дарвозабон. Мен унга шубҳа қилмайман", – деб Гвардиоланинг сўзларини келтиради клубнинг "твиттер"даги расмий саҳифаси.
Эслатиб ўтамиз, Эдерсон Чемпионлар Лигасининг гуруҳ босқичи 4-туридан ўрин олган "Аталанта"га қарши ўйинда (1:1) жароҳат олганди.
