Голландиянинг «Аякс» клуби футболчиси Квинси Промес фаолиятини Англия Премьер-лигасида давом эттириши мумкин дея хабар тарқатмоқда Daily Mail.
Манбанинг айтишига қараганда, 27 ёшли футболчига «Ливерпуль» ва «Арсенал» клублари қизиқиш билдиришмоқда.
Голландиялик футболчининг ўзи ЕЧЛнинг 4-тур доирасида «Челси» клубига қарши бўлган ўйиндан кейин кучини Англияда синаб кўрмоқчи эканлигини айтган эди.
Промеснинг «Аякс» билан тузган шартномаси 2024 йили ўз якунига етади. Футболчининг бугунги кундаги трансфер нархи 18 миллион еврони ташкил этади.
Аввалроқ Промес «Твенте», «Гоу Эхед Иглс», «Спартак» ва «Севилья» клубларида ўйнашга улгурган.