«Барселона» бош мураббийи Эрнесто Вальверде Испания чемпионатининг 13-тури доирасида бўлиб ўтган «Сельта»га қарши ўйин (4:1) борасида ўз фикрларини билдириб ўтди.

«Ғалаба қозонишимиз шарт эди. Мағлубиятдан кейин ғалаба қозониш керак, айниқса, биз каби жамоаларга. Ғолиб чиқмасанг, мавҳумликни ҳис қиласан ва босим юзага келади.

Бизга жипслик етишмади. Ўйинимиз бироз тарқоқ бўлди. Шунинг учун мен у қадар қониқиш ҳосил қилмадим.

Лео билан исталган ишни амалга ошириш мумкин. У жамоада муҳим роль ўйнайди. Унинг голларидан ташқари, Лео ўйинни яхши тушунади. Мессига боғлиқ бўлмасликнинг иложи йўқ. Бу бор гап. Унинг майдонда бўлиши ҳужумдаги ҳаракатларимизга жиддий таъсир кўрсатади», – деди Вальверде.