Россиянинг "Ростов" клуби бош мураббийи Валерий Карпин "Тамбов" (1:2) жамоасига учралган мағлубиятдан кейин журналистлар саволларига жавоб қайтарди.
- «Тамбов»га қарши икки учрашувда ҳам шогирдларингиз бир хил сценарий остида мағлуб бўлди. Нима бўлди?
— Ҳа, ҳақиқатдан ҳам икки учрашув бир хил бўлди. Бугун ҳимояда ҳам, ҳужумда ҳам хатоларга йўл қўйдик.
— ФИФА кунларидан дам олиш кунлари жамоа фойдасига ишлайдими? «Ростов»да муаммо борга ўҳшамоқда.
— Бир ёки иккита учрашув натижасига қараб яхши ёки ёмонликни айтиш нотўғри. «Краснодар»га қарши учрашувда тайёр ғалабани қўлдан чиқарган эдик. Бугун биринчи бўлимни яхши ўтказдик.
— Бугунги натижадан кейин “Ростов” клубининг муваффақиятсизлигини бугун майдонга тушмаган футболчиларга боғласа бўладими?
— Дунёдаги қайси клубнинг ўйини етакчи ўйинчиларига боғлиқ эмас? Ҳатто «Барселона»нинг ҳам ўйини Мессига боғлиқ. Ҳатто, топ клубларда ҳам жароҳат олган футболчиларни ўрнини боса оладиган юқори савияли заҳира футболчилари йўқ, улар бизда қаердан бўлиши керак? Сигурдарсонни иккинчи голни урганида ҳеч ким жароҳат ёки дисквалификация ҳақида ўйламаган бўлар эди.
— Норманн қачон сафга қайтади?
— Бир неча кун олдин касалхонадан чиқди. Матиас 5 кг оғирлигини йўқотди, умид қиламанки, кейинги ўйингача у сафимизда бўлади. Қайтариб айтаман, биринчи бўлимда яхши ўйин намойиш этдик