Мюнхеннинг «Бавария» клуби собиқ дарвозабони Оливер Кан жамоага янги мураббий танлашда шошилмаслиги кераклигини айтиб ўтди.

— Бу ҳақда бир қарорга келиш учун жуда жиддий ўйлаш керак. Гап янги тарихни очадиган мураббий ҳақида кетмоқда. Ўз қарорингиз тўғри эканлигига чуқур ишонч ҳосил қилмасдан бу муаммони ҳал қила олмайсиз. Таниқли номларга эътибор бермаслик керак. Биз “Бавария”га нима керак эканлигини, қандай мураббийга эҳтиёж сезаётгани ҳақида ўйлашимиз керак, — деди Кан.

Эслатиб ўтамиз, «Айнтрахт» (1:5) клубига қарши қақшатгич мағлубиятдан кейин Нико Ковач эгаллаб турган лавозимидан озод қилиниб, жамоага Ханс-Дитер Флик вақтинча бош мураббий этиб тайинланганди. Флик қўл остида “Бавария” «Олимпиакос» ва «Боруссия» клубларини мағлубиятга учратишга эришди.