Myunxenning «Bavariya» klubi sobiq darvozaboni Oliver Kan jamoaga yangi murabbiy tanlashda shoshilmasligi kerakligini aytib o‘tdi.

— Bu haqda bir qarorga kelish uchun juda jiddiy o‘ylash kerak. Gap yangi tarixni ochadigan murabbiy haqida ketmoqda. O‘z qaroringiz to‘g‘ri ekanligiga chuqur ishonch hosil qilmasdan bu muammoni hal qila olmaysiz. Taniqli nomlarga e’tibor bermaslik kerak. Biz “Bavariya”ga nima kerak ekanligini, qanday murabbiyga ehtiyoj sezayotgani haqida o‘ylashimiz kerak, — dedi Kan.

Eslatib o‘tamiz, «Ayntraxt» (1:5) klubiga qarshi qaqshatgich mag‘lubiyatdan keyin Niko Kovach egallab turgan lavozimidan ozod qilinib, jamoaga Xans-Diter Flik vaqtincha bosh murabbiy etib tayinlangandi. Flik qo‘l ostida “Bavariya” «Olimpiakos» va «Borussiya» klublarini mag‘lubiyatga uchratishga erishdi.