Мадриднинг "Реал" клуби ярим ҳимоячиси Лука Модрич 29 ёшдан катта футболчилар футбол ривожи учун қўшаётган ҳиссалари учун ташкил этилган Golden Foot совринини қўлга киритди. Бу ҳақда Хорватия Футбол Федерацияси расмий сайти хабар тарқатмоқда.
Жорий йили ушбу соврин учун Криштиану Роналду, Лионель Месси, Тиаго Силва, Серхио Рамос, Уэйн Руни, Серхио Агуэро, Роберт Левандовски, Джорджо Кьеллини ва Жерар Пикелар кураш олиб боришди.
Golden Footнинг аввалги йиллардаги ғолиблари Эдинсон Кавани, Икер Касильяс, Джанлуиджи Буффон, Самуэль Это`О, Андрес Иньеста, Дидье Дрогба, Златан Ибрагимович, Райан Гиггз, Франчесто Тотти, Роналдиньо ва яна бир қатор футболчилар саналишади.
