Япониянинг "Виссел Кобе" клубининг испаниялик ҳужумчиси Давид Вилья футболчилик фаолиятини якунлаганини эълон қилди. Бу ҳақда ташкил этилган махсус матбуот анжуманида Вильянинг ўзи эълон қилди.
Футболчининг расмий сўнгги учрашуви 7 декабрь куни "Виссел Кобе" ҳамда "Джубило Ивату" клублари ўртасида бўлиб ўтади. Матбуот анжуманида Вильянинг жамоадоши Андрес Иньеста ҳам иштирок этди.
"Мен 19 йиллик футболчилик фаолиятимни мавсум сўнггида якунлайман, - деб ёзади Вилья ўзининг Twitter саҳифасида. – Унутилмас дамларни тақдим этишгани учун барча жамоадошларимга, мураббийларга ўз миннатдорчилигимни билдираман. "Виссел Кобе" клубидаги сўнгги совринимни қўлга киритиш учун бор кучимни ишга соламан ("Виссел Кобе" клуби Япония кубогининг 1/2 финалида "Симидзу" клуби билан ўйнайди- муаллиф)".