"Bleacher Report" нашри Португалияда Криштианудан кейин нечта Роналду туғилгани ҳақидаги маълумотни ошкор қилди.
Таъкидланишича, "Ювентус" ҳужумчисидан кейин 29 та фарзандга Криштиану Роналду исми қўйилган. Уларнинг энг каттаси — Криштиану Роналду Морейра Соузаш. У 2003 йилнинг февралида, Роналду "Спортинг" сафида дебют қилганидан 2 ой ўтиб туғилган.
Йигитчанинг отаси ўғлига нега Криштиану Роналду деб исм қўйганини айтди. У "Спортинг" мухлиси эмас, шунчаки 17 ёшли Роналдунинг ўйинлари ёқиб қолган.
Қолган Роналдулар 2004 йилда, Роналду 19 ёшида Португалия термаси етакчиларидан бирига айланаётган пайтда туғилишган.
