Англиянинг «Манчестер Юнайтед» клуби собиқ ҳужумчиси Луи Саа Криштиану Роналду ва Руда ван Нистелройларнинг «Манчестер Юнайтед» клубида ўзаро муносабатларини гапириб берди. 

—Руд Роналдуни йиғлатганмиди? Ҳа, шунақа тарих бўлган эди. Криштианунинг отаси вафот этганидан сўнг, улар ўзаро муносабатларига ойдинлик киритиб олишмоқчи бўлишганди, ўйлайманки, бу ноқулай вақт эди. Шунга ўҳшаш воқеалар кучли характерга эга бўлган ҳар бир футболчида рўй бериши мумкин, лекин аминманки, Рууд ўша пайтдаги айтган сўзларидан ҳозир афсусланса керак”

Шунингдек, Саа Криштиануни ёшлик даврида ўз устида тинимсиз меҳнат қилганини таъкидлаб ўтди. 

Криштиану шунчаки даҳшатли эди! Уни одам деб айтиш керакми ёки йўқми, ҳатто билмайман ҳам! Унинг 18 ёки 19 ёшида кўришингиз мумкин эди, у оддий бола эмасди. Одатда шунга ўхшаш қобилиятли болалар ўз устида тинимсиз меҳнат қилади, иқтидорига ишониб қолмайди. Кучли кучли теннисчилар тўпга қаттиқ зарба бермайди ёки яхши техникага эга бўлишади. Улар ҳаммадан кўра кўпроқ ишлашади, Роналду ҳам шулар тоифасидан, — деди Саа FourFourTwo сайтига берган интервьюсида.

Саа ва Роналдулар биргаликда 2004 йилдан 2008 йилгача «МЮ»  таркибида бирга ўйнаган.