Аргентина терма жамоаси ҳужумчиси Лионель Месси Бразилия терма жамоаси устидан қозонилган ғалаба ҳақидаги фикрлари билан ўртоқлашди.Унинг киритган ягона голи Аргентина терма жамоасига ғалаба олиб келди.
— Учрашув бошида бир қатор хатоларга йўл қўйди, шу сабабли рақибда вазиятлар пайдо бўлди. Иккинчи бўлимда эса сезиларли даражада яхши ўйин намойиш этдик. Ўйлайманки, ушбу ўйин схемаси бизга кўплаб имкониятларни яратади. Биз бир нечта услубларда ўйнай олишимиз албатта яхши. Ғалаба қозонганингизда хотиржамлик билан ўйнайсиз, бу эса келгуси ўйинларга ижобий таъсир кўрсатади. Барчамиз жуда кўп ҳаракат қилдик — бу биз қилишимиз керак бўлган вазифа, — деди Месси АФА расмий сайтига.