Хабарингиз бор, эртага Ўзбекистон терма жамоаси ЖЧ-2022 саралаш босқичидан ўрин олган баҳсда Фаластин термасини қабул қилади. Бугун ўйин олдидан матбуот анжумани бўлиб ўтди. Анжуманнинг иккинчи қисмида меҳҳмонлар устози Нуреддин Улд Али ва ҳамда футболчи Назмий иштирок этди.
Мураббий: Эртанги ўйин икки жамоа учун ҳам муҳим ҳисобланади. Эртага икки жамоа ҳам ғалаба қозониш учун майдонга чиқади. Икки жамоанинг ҳам мақсади кейинги босқичга чиқиш.
Футболчи: Эртага ғалаба учун майдонга чиқамиз. Ўз ўйимизда Ўзбекистон термасини мағлуб этган бўлсакда, улар кучли жамоа ҳисобланади. Уларни қандай кучга эга эканлигини яхши биламиз.
Мураббий: Эртага Ўзбекистон ўз майдонида ўйнайди. Бу уларга маълум устунликни беради. Ўзбекистон терма жамоасида кучли футболчилар бор эканлигини яхши биламиз. Бизни мақсадимиз 3 очко олиш. Ўзбекистон терма жамоасида мураббий ўзгарди, аммо футболчилар ўша-ўша. Ўйин услубини ўрганиш учун қисқа вақт талаб этилмайди.
Биз учун асосий савол? Эртага марказий ҳимояда ким ўйнайди Аҳмедов ёки Кримец? (залда кулги) Термангизда кучли футболчилар бор уларни яхши ўрганганмиз. Айниқса, Шомуродовнинг “Ростов”даги ўйинларини кузатиб бораман.
Эртага икки жамоа ҳам 3 очко учун ҳаракат қилади. Об хаво бизга ҳалақит бермайди деб умитдаман. Сабаби биз ЎЗбекистонга 3 кун аввал ташриф буюрдик. Бу бизга муаммо тўғжира олмайди.
