Бразилиянинг «Атлетико Паранаэнсе» клуби ярим ҳимоячиси Бруно Гимараэс фаолиятини Испанияда давом эттириши мумкин.
Globo Esporte нашрининг тарқатган маълумотига қараганда, Мадриднинг «Атлетико» клуби 22 ёшли футболчи учун 30 миллион евро тўлашга тайёр.
Манбанинг хабарига кўра, ўтган ҳафта охирида икки томон Мадридда учрашган ва трансфернинг охирги қисмларини келишиб олишган.
Жорий мавсумда Бруно Гимараэс «Атлетико Паранаэнсе» таркибида 23 та учрашувда майдонга тушиб, 2 та гол киритишга муваффақ бўлган.