Франция чемпионатининг 14-турига старт берилди. «ПСЖ» ўз майдонида «Лилль»ни қабул қилиб, ишончли ғалабани қўлга киритди.

Мезбонлар учрашувнинг 17-дақиқасида ҳисобни очишди. Ўнг қанотдан етказиб берган узатмани Икарди дарвозанинг бўш қолган қисмига жойлаб қўйди. Орадан кўп ўтмасдан Дракслернинг узатмасидан кейин Ди Мария дарвозабон билан яккама-якка вазиятга чиқиб кетди ва дарвозани ишғол қилди.

Ўйиннинг қолган қисмида ҳар иккала жамоада кўплаб имкониятлар юзага келди. "ПСЖ" футболчиларининг зарбаларига аниқлик етишмаган бўлса, Кейлор Навас 2-3та вазиятда ўз жамоасини қутқарди.

Неймар 40 кун ичида илк марта парижликлар сафида майдонга тушди ва 65-дақиқада унинг ўрнига шамоллаб қолгани айтилаётган Килиан Мбаппе туширилди. Демак, ҳар иккала ҳужумчи 26 ноябрь, сешанба куни Европа чемпионлар лигаси 5-туридан ўрин олган "Реал"га қарши ўйинга тайёр.

Ушбу ғалабадан кейин "ПСЖ" ўз очколарини 33тага етказиб, таъқибчилардан янада илгарилаб кетди.

Франция чемпионати, 14-тур
ПСЖ – Лилль 2:0 (2:0, 0:0)
Голлар: 1:0 – 17 Икарди, 2:0 – 31 Ди Мария.
ПСЖ – Навас, Менье (Дагба, 65), Тиаго Силва, Кимпембе, Бернат, Гуйе, Маркиньос, Дракслер, Ди Мария, Икарди (Кавани, 78), Неймар (Мбаппе, 65).
Лилль – Меньян, Челик, Тиагу Жало, Фонте, Габриэл, Рейнилду, Андре (Язиджи, 78), Сумаре, Шека (Саншеш, 61), Иконе (Реми, 70), Луис Араужо.
Огоҳлантиришлар: Кимпембе (20), Менье (30).