"Наполи" ҳужумчиси Лоренцо Инсинье Чемпионлар лигаси гуруҳ босқичининг 5-туридан ўрин олган "Ливерпуль"га қарши ўйинни ўтказиб юборади, деб хабар беради Sky Sports.
Манбанинг хабарига кўра, 28 ёшли ҳужумчи А Сериянинг 13-туридан ўрин олган "Милан"га қарши учрашувда (0: 0) тўқнашувдан кейин тирсагида оғриқ ҳис қилмоқда.
Футболчи Англияга учмайди ва Неаполда қолади.
Учрашув 27-ноябрь куни бўлиб ўтади ва Тошкент вақти билан 01:00 да бошланади.
Ушбу мавсумда Инсинье Италия чемпионатида 12 та ўйин ўтказиб, 3 та гол урди ва 6 та голга ассистентлик қилди.
