Парижда "Олтин тўп"ни топшириш маросими якунига етди. "Барселона" ҳужумчиси Лионель Месси 2019 йилда жаҳоннинг энг яхши футболчиси деб топилди.
Аргентиналик футболчи бундай совринлари сонини 6тага етказиб, бу борада яна етакчига айланди.
Месси ушбу соврин учун курашда финалчилар — Садьо Мане ("Ливерпуль", 4-ўрин), Криштиану Роналду ("Ювентус", 3-ўрин) ва Виржил ван Дейк ("Ливерпуль", 2-ўрин)ни ортда қолдирди.
Лионель Месси аввалроқ ФИФАнинг "The Best" совринини ҳам қўлга киритган эди.