Англиянинг «Манчестер Юнайтед» клуби бош мураббийи Оле-Гуннар Сульшер Скотт Мактомини жамоа учун қанчалар муҳим футболчи эканлигини айтиб ўтди.

— Айни пайтда Скоттни таркибдан олиб бўлмайди, — деди Сульшер. — У бугун жуда ажойиб эди. У бизга жисмоний куч ва етакчиликни қўшмоқда. Бундан ташқари, унинг марказдаги ўйини Фредни эркинроқ ўйнашига имкон яратмоқда. Скотт кечаги ўйингача атиги битта машғулот ўтказди, бироқ у ажойиб футболчи. У ўйинни юқори савияда ўтказди ва мен ундан бундан бошқасини кутмагандим. У ҳар бир машғулотларда тўғри ишламоқда. У ўз устида яхши ишламоқда, айнан шундай футболчилар жамоамиз учун муҳим.

Мактомини «Юнайтед» тарбияланувчиси ҳисобланади. У жамоадаги дебют учрашувини 2016/17 йилги мавсумда ўтказган эди.