Испания чемпионатида 3-ўринда бораётган "Севилья" 16-тур доирасида "Осасуна" клуби меҳмони бўлиб, дурангга имзо чекди.

Андалусияликлар баҳснинг 11-дақиқасидаёқ Мунир эл-Ҳаддодийнинг голи эвазига ҳисобни очишди. Аммо биринчи бўлим сўнгида Чими Авила мувозанатни тиклади.

Иккинчи бўлимнинг 61-дақиқасида мезбонлар ярим ҳимоячиси Ойер Санхурхо майдондан четлатилди. "Севилья" қолган ярим соат давомида бир киши кўп бўлиб ўйнаган бўлса-да, рақиб дарвозасига йўл топа олмади.

Ушбу дуранг туфайли "Севилья" ўз очколарини 31тага етказди ва пешқадамлар "Барселона" ва "Реал"дан 3 очко ортда қолган ҳолда 3-поғонани сақлаб турибди.

Испания Ла лигаси, 16-тур
Осасуна – Севилья 1:1 (1:1, 0:0)
Голлар: 0:1 – 11 Мунир, 1:1 – 45 Чими Авила.
Осасуна – Хуан Перес, Монкайола (Унаи Гарсия, 72), Навас, Давид Гарсия, Эступиньян, Роберто Торрес, Ойер Санхурхо, Брашанац, Рубен Гарсия (Мерида, 76), Кардона (Адриан, 28), Чими Авила.
Севилья – Вацлик, Навас, Кунде (Каррису, 59), Диего Карлос, Регилон, Жордан (Васкес, 59), Фернандо, Банега, Мунир, Эрнандес, Оливер Торрес (Даббур, 78).
Огоҳлантиришлар: Кунде (10), Навас (16), Регилон (44), Банега (46), Ойер Санхурхо (49), Мерида (77), Навас (89).
Четлатиш: Ойер Санхурхо (61).