Ispaniya chempionatida 3-o‘rinda borayotgan "Sevilya" 16-tur doirasida "Osasuna" klubi mehmoni bo‘lib, durangga imzo chekdi.

Andalusiyaliklar bahsning 11-daqiqasidayoq Munir el-Haddodiyning goli evaziga hisobni ochishdi. Ammo birinchi bo‘lim so‘ngida Chimi Avila muvozanatni tikladi.

Ikkinchi bo‘limning 61-daqiqasida mezbonlar yarim himoyachisi Oyer Sanxurxo maydondan chetlatildi. "Sevilya" qolgan yarim soat davomida bir kishi ko‘p bo‘lib o‘ynagan bo‘lsa-da, raqib darvozasiga yo‘l topa olmadi.

Ushbu durang tufayli "Sevilya" o‘z ochkolarini 31taga yetkazdi va peshqadamlar "Barselona" va "Real"dan 3 ochko ortda qolgan holda 3-pog‘onani saqlab turibdi.

Ispaniya La ligasi, 16-tur
Osasuna – Sevilya 1:1 (1:1, 0:0)
Gollar: 0:1 – 11 Munir, 1:1 – 45 Chimi Avila.
Osasuna – Xuan Peres, Monkayola (Unai Garsiya, 72), Navas, David Garsiya, Estupinyan, Roberto Torres, Oyer Sanxurxo, Brashanas, Ruben Garsiya (Merida, 76), Kardona (Adrian, 28), Chimi Avila.
Sevilya – Vaslik, Navas, Kunde (Karrisu, 59), Diyego Karlos, Regilon, Jordan (Vaskes, 59), Fernando, Banega, Munir, Ernandes, Oliver Torres (Dabbur, 78).
Ogohlantirishlar: Kunde (10), Navas (16), Regilon (44), Banega (46), Oyer Sanxurxo (49), Merida (77), Navas (89).
Chetlatish: Oyer Sanxurxo (61).