Италиянинг “Болонья” клуби бош директори Риккардо Бигон жамоа Златан Ибрагимович билан музокара олиб борганини, эндиликда унинг жавобини кутаётганини айтиб ўтди.
"Музокара Михайлович ва Ибрагимовичлар ўртасидаги бўлиб ўтди. Златан декабрь ойида қарор қабул қилишини айтди, агар у бизнинг жамоага келишни истаса, биз ушбу вазиятни муҳокама қилишга тайёрмиз ва хурсандмиз, лекин ҳозирги кунда биз уни қарорини кутиб турибмиз. Нималар рўй беришини кўрамиз".
Албатта, ҳар бир клуб ўз сафида Ибрагимовичдек ҳужумчини кўришни хоҳлайди. Биз ҳамма нарсани пул ҳал қилади деган дунёда яшамоқдамиз. Лекин бундай эмас. Бу ерда ҳужумчи ва мураббийнинг ўзаро муносабатлари ҳам муҳим омил бўлмоқда", — деди Бигон Sky Sport Italia порталига.