“Арсенал” клуби бош мураббийи Фредрик Юнгберг Европа Лигаси доирасидаги “Стандард”га қарши ўйиндан сўнг қуйидаги фикрларни билдириб ўтди.

“Биринчи бўлимда яхши ўйнадик, биринчи режаларимиз амалга ошди. Уларда бирорта дарвоза томон аниқ зарба бўлмади. Танаффусгача 1-2та гол уришимиз керак эди. Рақиб икки голни танаффусдан сўнг киритди. Баҳс 2-2 ҳисобида якунланди, лекин 3-2 ҳам бўлиши мумкин эди. Параллел равишжа кечаётган ўйиннинг натижасни билганим сабабли зўр бериб ҳаракат қилмадик.

Жамоанинг ҳарактери ажойиб. Мен футболчиларим билан фахраланман. Бу келажакда бизга ёрдам беради. Улар тўхташмайди.

Гуруҳда биринчи ўрин? Бу жуда яхши. «Арсенал» ажойиб старт олди, аммо кейин баъзи муаммоларга дуч келдик. Охирги пайтларда биз жуда кўп ўйин ўтказдик. Мен ёшларга имконият беришни хоҳладим, таркибни ўзгартириш керак эди” – дейди бош мураббий.