"Атлетико" яримҳимоячи Сауль Нигесни сотишга тайёр.
Мадридликлар 25 ёшли футболчининг трансферидан 85 миллион фунт ишлаб олишмоқчи, дея хабар беради The Telegraph нашри.
Футболчининг шартномасида кўрсатилган товон пули миқдори тахминан 125 миллион фунтни ташкил қилади, аммо клуб раҳбарияти агар футболчи жамоани тарк этиш истагини билдирса, унинг қийматини пасайтиришга тайёр.
Аввалроқ, футболчига "Манчестер Юнайтед" қизиқиш билдираётган эди.
Сауль Нигеснинг Мадрид клуби билан амалдаги шартномаси 2026 йил июнгача мўлжалланган.
Ушбу мавсумда ярим ҳимоячи клуб учун 21 та ўйин ўтказди ва битта гол урди.
