Германиянинг "Вердер" клуби ярим ҳимоячиси Дэви Классен "Бавария" жамоасидан қабул қилиб олинган йирик ҳисобдаги мағлубиятга изоҳ берди.
"Биринчи бўлимда яхши ўйин намойиш этдик. Албатта, уларда бир қатор вазиятлар бўлди. Лекин биз етарлича қаршилик кўрсатишга ҳаракат қилдик. "Бавария" – яхши жамоа. Бизда ҳам, икки, учта яхши имкониятлар бўлганди. Эҳтимол сал омадимиз чопганида, кўпроқ гол киритган бўлармидик...Иккинчи бўлимда эса айтарли вазиятга эга бўлмадик", - деди футболчи.













