Футзал бўйича Ўзбекистон чемпионатининг 2-босқич финал учрашувлари серияси якунланди. Унда АГМК "Пахтакор" билан чемпионлик йўлида беллашди.

Александр Петров жамоаси барча масалани уч ўйиндаёқ ҳал этиб, навбатдаги олтин медалларга эга чиқди.

Дастлабки ўйинда "Пахтакор"га ҳеч қандай имконият қолдирмай 6:1 ҳисобида ғалаба тантана қилинди. Иккинчи кунги серияда эса АГМК номинал меҳмон сифатида "Пахтакор"ни 5:4 ҳисобида таслим қилди. Бугун, яъни учинчи серияда АГМК "Пахтакор" дарвозасига жавобсиз тўртта гол уриб, Ўзбекистоннинг 5 карра чемпионига айланди.

Эътиборлиси, АГМК қаторасига бешинчи йили футзал шоҳсупасининг юқори чўққисида қолмоқда.

Футзал
Ўзбекистон чемпионати, 2-босқич.
Финал, 1-ўйин. 15 декабрь, якшанба
АГМК — “Пахтакор” 6:1
Голлар: Раҳматов (5), Валижонов (17), Усмонов (23, 35), Нишонов (25), Умаров (34) - Чориев (24)

Финал, 2-ўйин. 16 декабрь, душанба.
“Пахтакор” — АГМК 4:5
Голлар: Шавкатов (14, 17, 19), автогол (33) - Одилов (4), Ҳамроев (18, 25), Ропиев (21), автогол (31)

Финал, 3-ўйин. 17 декабрь, сешанба.
АГМК — “Пахтакор” 4:0
Голлар: Бердиев (1), Ропиев (9), Нишонов (20), Усмонов (27)

Умумий ҳисобда жами уч ўйин давом этган серияда АГМК 3 ғалабага эришиб, "Пахтакор" дарвозасига 15та гол йўллади ва ўз дарвозасидан 5та тўп олиб чиқди — 15:5.