"Реал" директори Эмилио Бутрагеньо Ла Лига доирасида "Барселона" билан дурангдан сўнг (0:0) баҳсли вазиятларни изоҳлади.
Вазиятларнинг бирида Мадридликлар "Барса" жарима майдончасида Клеман Лангленинг Рафаел Варанга нисбатан ишлатган қўполлиги учун пенальти талаб қилишди.
“Биз ВАР тарафдори эканлигимизни биласизлар. Технология ҳакамга ёрдам бериши керак, чунки ҳакам ҳамма нарсани кўра олмайди. Бунинг учун ВАР мавжуд. Бу аниқ хато бўлса кучга киради. Варан билан эпизодларда ВАР нинг аралашмаганлиги ажабланарли.
Ҳакам иккита аниқ қоидабузарликни пайқамади. Аммо нега бундай эпизодларда ВАР ишлатилмаганлигини тушуниш қийин. Бу барчасини чалкаштириб юборади ”, деди Бутрагеньо.
