Лондониннг “Арсенал” клуби янги бош мураббийи Микель Артета “канонирлар” сафидаги илк фикрлари билан ўртоқлашди.
“Бу жуда катта шараф. “Арсенал” – дунёнинг энг яхши клубларидан бири. Биз совринлар учун кураш олиб боршимиз шарт.Ўзгаришлар жуда тез юз бермаслигини тушуниб турибман. Бу ҳақда Стэн, Жош Кронке ва клуб раҳбарияти билан гаплашиб олдик.
Жуда катта ҳажмдаги ишни бажаришимиз лозимлигини биламиз, аммо ишончим комил, бу қўлимиздан келади. Ҳозирги таркибда истеъдодли футболчилар кўп, академиядан ҳам кўплаб ёш иқтидорлар етишиб чиқмоқда”, -дейди Артета.
